Namamasko po!

Maligayang pasko sa lahat ng reader ng aking blog (kahit dalawa lang kayo).

Hindi ko alam kung ito na ang magiging year end post ko . Bahala na.  Medyo sabaw din ako kaya patawarin niyo po ang kawalang laman nitong post ko. Pasko ngayon gusto ko lang mag-post.

Shopping galore ako nung December 18 para mamili ng regalo sa mga kapamilya , kapatid,kapuso, katropa at mga inaanaksss. Gipit ako at pilit pinagkasya ang natitirang barya sa aking bulsa para maibili ng tig-iisang iphone5 ang lahat ng mga inaanak ko at mga malalapit na tao sa aking puso. Mahilig talaga ako magpaliwang ng mga bagay-bagay kaya let me unfold the reason behind my gifts. (english me?)

Sa mga taong malalapit sa aking puso:

kay RJ :

Belt = Para maalala mong hindi dapat binababa agad-agad ang short pag nakakita ka ng maganda/panget na chiks.

kay Kressa:

BAG = Para maalala mong ikaw ay may klase , hindi yung puro ka tambay sa subi-monte. wahahahha

kay Toto:

Bag ulit = Para maalala mo rin na pumasok sa eskwela hindi yung dota ka ng dota. wahahahah ulit.

Kay ron2 , cheng,Christelle:

Mini Case : Hindi ko alam kung bakit yan ang napili ko. Katabi kasi nung mga bag. Nakakatouch si kuya MJ no?

Kay YOY:

thermal bag = para makapagresign na c te y anne at maalagaan ang pamangkin kong c zedy . Maaari kang magsideline sa work mo para magtinda ng ice candy , ice water , ice cubes , Ice cream at kung ano2 pa.

Kay Ria na Bestfriend ko:

Payong = para maalala mong ako’y iyong kasama umulan man o umaraw. Oo,alam kong alam mo na wala lang talaga akong pambili ng iba pa.

Kay ate Mhay:

Cook Book : Dahil mahilig tayong kumain este magluto alam kong swak na swak sa’yo to.

Kay ate nitz:

Book ” A words to a mothers heart” : Every mother needs encouragement. Tapos tatanong ko rin sa’yo kung maganda yung book para ireregalo ko kay mommy sa mothers day. hahah

Kay ate dely:

Wall Decor : Dahil mahilig kang magpakuha ng Blood pressure sa’kin. Walang konek? oo alam ko.

Kay. Dra. Apple:

Organizer : Busy ka sa susunod na taon kaya sigurado akong magagamit mo yan kung walang magreregalo sayo ng mas magandang organizer. hehe

Kay Dra. Yu:

Book “This is my story” : nainspired ako sa librong ‘to nung binasa ko. Sana po mainspired din kayo. Salamat po pala sa 1 year supply ng vit. E last year. kuminis ako.pramis.

Kay Dr. Yu:

Handkerchief = Di ko rin alam kung bakit ito ang nabili ko. Uso daw yung mga nahihypnotize tapos dinudukutan. Siguro ganito yung nangyari sa’kin. Nahumaling ako sa red lips nung sales lady tapos sabi niya malambot daw yung panyo. Gusto ko sanag itanong kung kasing lambot ba ‘to ng mga labi niya at kung pwede bang itesting. Pero dahil nga nahypnotize ako. Agad-agad kong dinampot ang panyo tapos diretso sa cashier.

Kay Mamang:

Cash = Tinanong ko ang lola ko kung ano gusto niyang regalo at agad-agad siyang sumagot na pera na lang. Gusto ko sanang sabihin kay mamang na wala pa akong regular na trabaho at di ko kaya yun. Pero binirahan niya agad ako ng “pambili ko lang ng gamot” Ayun iakw ba naman bigyan ng dialogue na pangteleserye ano pa bang magagawa mo?

Para sa mga pamangkin ko at 101 dalmatians na mga inaanak. Alam niyo na ang regalo ko. TARAN! Laruan! Nung bata ako masaya ako pag nakakatanggap ako ng laruan at pera. At dahil wala ako nung huli. Laruan na lang. Ayos ba?

Para sa aking ermat , erpat at 2 kapatid na babae naisip kong iregalo sa kanila ang madalas kong matanggap noong elementary  sa mga exhange gift. Picture frame . Nilagyan ko lang ng konting twist. Bakit ba? It’s the thought that counts naman.

Ate Y anne

Ate shey

dad

mom

Real men aren’t afraid to show their true feelings :p

Sa mga tropa kong bloggers message of appreciation lang muna maibibigay ko. Sorry na :p

Wala akong regalo sa sarili ko ngayong pasko. Sapat na sa’kin ubusin ang sentimo ko para mapasaya ang mga taong nagpasaya ng buhay ko. Siguro isa ito sa tunay na diwa ng pasko. Ang pagbibigayan. Matatapos na ang taon at sa araw na ito gusto kong maalala nating lahat na hindi tayo ang unang nagbigay. Si Lord ang unang nagbigay sa’tin ng pinakamagandang regalo. (John 3:16)

Sino ako para magtago sa pasko? Sino ako para hindi magbigay sa kapwa? Kahit munting regalo? Kahit hindi pera? Kahit konting pagmamahal lang? Kahit simpleng mensahe ng pasasalamat? Kahit simpleng halik o yakap? Humahaba na tong post ko eh isa lang naman ang gusto kong sabihin:

MERRY CHRISTMAS SA ATING LAHAT!