Moving on Stage 3 – Bitterness

Walang oras na hindi siya sumasagi sa isip mo. Minsan ikaw na lang ang gumagawa ng dahilan para maisip siya kasi alam mong yun na lang yung meron ka na hindi kailanman mawawala – yung alaala habang  kasama mo siya.

 

Pano ka makaka move on kung ikaw mismo ayaw mong bumitiw. (Reality check: binitiwan ka na niya matagal na ,siguro panahon na para ikaw naman yung bumitaw).Para kang martilyo at yung nararamdaman mo ay yung pako . Gaano man katalas at kainam yung pako hinding hindi ito lulubog sa kahoy kung hindi ka kikilos para pukpukin ito. You have to do something for what you feel. ( uy umeenglish ang lolo mo)

.

poser nga sabi eh.

.

Malalaman mong nasa stage ka ng bitterness (minsan anger) kung ginagawa mo ang isa , dalawa o lahat sa mga sumusunod:

.

1.        Naglalaan ka ng oras para maghanap ng kowts na patama sa kanya , kowts na halos eksakto sa nararamdaman mo , tapos ipoporward mo sa  kanya. Sa ganung paraan may palusot kang kowts lang yun . Bato bato sa   langit alibi ang tawag dun.

.

2.      Wala kang ibang post sa Facebook kundi puro ka-emohan with sad face sa hulihan ng post .

.

3.    Kabaligtaran to nung number two . Ito yung mga post sa facebook na : “ Im happy and Contented being single” , “ what a day ang saya saya ko salamat kay (insert name)” . Counterpart ng bitterness ang denial. Halatang halata naman na gusto mo lang mabasa niya ang post mo , na Masaya ka( kuno) kahit wala na siya sa buhay mo.

.

.

4.         Sa sobrang sidhi ng nararamdaman mo naiisipan mong gumawa ng kowts especially made para sa kanya .Halatang halata naman na ikaw lang ang gumawa nun kulang na lang lagyan mo ng pirma at p*kyu sa dulo ang text message mo. Tapos ipoporward mo sa kanya. As usual wala ka na namang matatanggap na reply. Hahaha . 

.

5.         Hindi mo naman dating ginagawa pero ngayon instant stalker ka na. Iniimbestigahan mo ang profile nya sa facebook . Mga added friends , comments , relationship status , bagong pix na inupload nya , yung katabi niya sa isang picture at kung ano-ano pa. Kung may twitter ka bibisitahin mo rin ang page niya titignan ang mga mention at conversations.

.

may lumalandi na agad..tsk tsk…

.

6.         Papasok sa isip mo ang mamisikal. Yung tipong sasabihin mo sa sarili mo na “pag nakita ko yung bago niya yari sakin yun at sisiguraduhin kong bangs nya lang ang walang latay”.” Sasabunutan ko at iwawasiwas sa ere yung talanding pantal na makating higad na yun”. Pero sa huli mamamayani sa iyo ang pagiging edukado hindi ang pagiging barumbado.

.
7.         Kunwari maro-wrong send ka pero ang totoo gusto mo lang malaman ang magiging reaksyon nya kapag pinagpalit mo na siya. Walang reply kahit blank message kang mahihita , sayang lang ang pisong load na nilaan mo para sa kanya. Singilin mo na lang pag nagkabalikan na kayo (ASA!!!)

.

Masakit isipin na ang pagmamahalan na akala mong pangmatagalan ay matatapos ng ganun-ganun na lamang. Pero gaano ka man ka bitter ngayon darating ang araw na aabot ka din sa terminal phase nang iyong pinagdadaanan. Wag pwersahin , wag ding madaliin sapagkat darating ang tamang panahon para sa paghilom ng bawat sugat. Kung may peklat mang itong maiwan isa iyong paalala na : ikaw ay nadapa , nasugatan , naging bitter at muling bumangon. I got stinky , I got dirty but see? , I learned.