ONE SIDED LOVE part 1 : The Beginning

 

Sabi nila lahat ng bagay may pinagmulan. Kumbaga sa uling hindi ito magbabaga kung hindi mo aapuyan at papaypayan. Walang taong naiinlab ng basta-basta. Pero may mga taong patuloy na nagmamahal kahit hindi sila mahal ng taong itinitibok ng puso nila. Hindi ako prangka pero martir ang tawag sa amin kanila.

 

 

Pano nga ba nagsisimula ang trahedyang ito?

 

Kagaya ng ibang successful Love Stories ay ganoon din ang pagsisimula ng traumatic at painful experience na ito. Yun nga lang hindi Fairy tale ending yung sa inyo , dito nagwagi ang witches at ang mga kontrabida — at ikaw na may maamong mukang pang bida ang naiwang sawi at luhaan.

 

Nagsimula ito nung kayo’y magkakilala at magkapalagayan ng loob.  Konting biro , konting ngiti , konting titig , konting reply sa text at madaming hingi ng pasaload , konting pangongopya sa assignments , konting kwentuhan , konting inuman , konting tuksuhan (konting halikan) , konting pagtabi sa’yo sa jeep , konting like ng post mo sa FB at lahat pa ng konting ginagawa niya ay times ten ( X10) pala ang dating sa iyo. Ang peso na binibigay niya sa iyo sa dollar mo kinoconvert.Walang malisya sa kanya pero sa iyo meron. Dito nagsimula mo siyang hangaan at mula sa paghanga yumabong ang iyong nararamdaman. Tila ba ikaw ay uling at ang nararamdaman mo ay ang baga. Mainit , mapusok , malibog , nag-aalab at siya at ang kanyang ginagawa ay ang pamaypay na lalong nagbibigay sindi sa iyong nararamdamang init.

 

Iba-iba ang tao. Merong sweet sa lahat , meron namang talagang palabiro , friendly , mabait at meron din talagang flirt at paasa. Kung natapat ka sa huli malas mo! Biktima ka! Kung ikaw naman ay yung tipo ng tao na mabilis humanga sa iba kahit wala silang ginagawang extra special sa iyo o yung hinangaan mo lang sila dahil sa angking alindog , artistahing muka , natural na ugali , o galing at talino sa isang bagay. Malamang sa malamang libog lang yan paghanga lang yan. Mabilis mong naramdaman at mabilis ding mawawala . Parang pasaherong sumakay sa jeep at bumaba rin agad kasi nakalimutan ang baon. Kung mauwi ang iyong paghanga sa pag-ibig ay agad ka ng komunsulta sa psychiatrist. (hindi ako nagbibiro iba ang crush sa love dapat alam mo na yun) Kung can’t afford mo naman maari kang komunsulta kay papa jack at sa laki ng problema mo baka mata”jack”an ka din niya sa inis dahil  alam niyang alam mo rin naman ang solusyon sa problema mo.

 

Lagi tayong may pagpipilian sa buhay kung hindi mo choice na maramdaman ang iyong nararamdaman,  may choice ka naman para huwag mag mukang tanga at martir sa paggawa ng dahilan para lalo kang masaktan. Wag mong hayaang patuloy ang pagbaga ng iyong nararamdaman lalo na’t alam mo na ikaw lang ang nagmamahal. Para kang uling na patuloy na nagbabaga para sa kaniya , pero sa huli talo ka kasi mauubos ka!

.

.

.

.

.

.

.

.

.

.

.

.

.

.

wag mo n kong paypayan please anne curtis.